Pila ka mga negosyante sang lechon baboy sa syudad sang Bacolod ang indi magpasaka sang presyo sa maabot nga Paskwa kag Bag-ong Tuig.
Suno sa isa ka tag-iya sang lechonan, wala sila nagpasaka sang presyo bangud gusto nila nga ma-enjoy sang mga Bacoleños kag Negrense ang mga holidays.
Gindugang pa sini, mas ginpili nila nga indi magpasaka sang presyo bisan nga nagsaka ang presyo sang buhi nga baboy nga ginakuha pa nila halin sa mga banwa sang Don Salvador Benedicto, Moises Padilla kag Isabela.
Apang ginpahayag pa sini nga apisar sang manubo nga presyo, wala nila ginabuhinan ang kalidad sang ila lechon nga ginabalik-balikan gid sang ila mga suki.
Nahibaluan man nga nagpasaka sang presyo ang pila ka mga lechonan sa Bacolod kag Metro Manila sini nga Christmas Seasons.*
