BACOLOD CITY– Ginkilala ang Pilipinas bilang World’s Leading Dive Destination sa ika-29 nga World Travel Awards Grand Finals Gala Ceremony sa Muscat, Oman.
Ini ang una nga ti-on nga nakabaton ang pungsod sang isa ka dungog halin sa London-based World Travel Awards.
Apang ini ang na ang ika-apat nga ti-on nga nakuha sang Pilipinas ang nasambit nga dungog humalin 2019 tubtob 2022.
“These global victories for the Philippines evince the unparalleled beauty of our country and the distinct warmth of the Filipino people. We sincerely thank the World Travel Awards and everyone from all over the world whose vote of confidence is timely as the Philippines fully opens its arms to welcome tourists to our shores,” suno kay Tourism Secretary Christina Garcia Frasco.
Na-unahan sang Pilipinas ang iban nga mga pungsod bilang dive destinations nalakip na diri ang Great Barrier Reef sang Australia, Cayman Islands, Maldives, Fiji, Mexico, Azores Islands, French Polynesia, Galapagos Islands sa Ecuador, St. Kitts, Belize, Algarve sa Portugal, Jamaica kag Turks and Caicos Islands.
Nalakip naman sa nahatagan sang dungog amo ang Amanpulo bilang World’s Leading Dive Resort, Maynila bilang World’s Leading Casino Resort kag Ascott Bonifacio Global City Manila bilang World’s Leading Serviced Apartments.*
