Indi magkooperar ang Pilipinas sa imbestigasyon sang International Criminal Court (ICC) angut sa kaso sang crimes against humanity nga ginpasaka batok kay Presidente Rodrigo Duterte.
Suno kay Chief Presidential Legal Counsel Salvador Panelo, indi pagpahanugutan nga makasulod sa pungsod ang mga imbestigador sang ICC sat ion nga mag-umpisa na ang imbestigasyon.
Una diri, gin-aprubahan sang Pre-Trial Chamber 1 ang pagpatigayon sang imbestigayon kay Presidente Duterte.
Ginsiling pa ni Panelo nga wala sang hurisdiskyon ang ICC ukon ano man nga foreign institution sa internal affairs sang Pilipinas.
Kahalam-utan pa suno kay Panelo bangud subong lang magapatigayon sang imbestigasyon ang ICC nga duha na katuig ang nakaligad sang naglayas ang Pilipinas sa Rome Statute.
