Pinakatigulang nga Catholic Bishop sa Pilipinas, nagtaliwan na!

Ginkumpirmar sang Catholic Bishop’s Conference of the Philippines (CBCP) nga nagtaliwan na ang pinakatigulang nga katoliko obispo sa pungsod.

Ginsiling sang CBCP nga nagtaliwan si retired Bishop Manuel Sobreviñas sa edad nga 96 samtang yara sa Cardinal Santos Hospital sa San Juan.

Tuig 1979 sang gin-asayn si Sobreviñas bilang Auxillary Bishop sang Archdiocese of Manila kung sa diin nagserbe ini sang 14 ka tuig.

Nagserbe man siya bilang ikatlo nga obispo sang Diocese of Imus sa Cavite sumugod sadtong 1993 antes ini magretiro sadtong 2001 sa edad nga 77.