Kapin sa 100,000 ka mga overseas Filino workers ukon OFWs nga nadulaan sang trabaho sa abroad dala sang coronavirus 2019 pandemic ang nakapauli na sa pungsod.
Ini naman ang ginkonpirmar ni Overseas Workers Welfare Administration chief Hans Cacdac.
Gindugang pa ni Cacdac nga kapin sa 95,000 sa ila ang nakapauli na sa ila provincia kag nahatagan na ayuda sang gobyerno samtang kapin naman sa 50, 000 ka mga OFWs ang ginapaabot nga magapauli sa karon nga bulan.
Basi naman sa estimate sang Department of Labor ukon DOLE nga may kapin sa 150,000 ka mga nagatarabaho sa abroad ang magapauli sa masunod nga mga binulan.
Sa katapusan ginsiling ni Cacdac nga ang 71 ka mga pinoy nga napatay sa Saudi Arabia ang nakatalana nga magaabot subong nga adlaw sang Domingo.
