Pinakauna nga floating solar farm sa Visayas kag Mindanao, pagatukuron sa siudad sang Cadiz

Nakatalana nga pagatukuron ang pinakauna nga Floating Solar Farm sa Visayas kag Mindanao sa isa ka punong ukon fish pond nga nahamtang sa Barangay Tinampa-an, siudad sang Cadiz.

Suno kay Cadiz City Mayor Salvador “Bading” Escalante, nalipay siya bangud madamo sang makabenepisyo nga pumuluyo sa siudad sang Cadiz sa pagatukuron nga proyekto.

Dugang pa ni Escalante nga ini ang joint venture sa tunga sang Zonal Renewables Corporation kag A.M. Hijos Incorporated.

Pahayag pa ni Escalante nga isa lamang ini ka pamatuod nga nagapaninguha ang siudad sa pag-imbitar sang madamo nga mga investors.

Ginpatigayon naman ang ocular inspection sa lugar upod ang pila ka nga mga investors kahapon nga adlaw, Martes, Oktubre 3.*