Maga retiro na lunes nga adlaw, Abril 24, si Philippine National Police (PNP) chief Gen. Rodolfo Azurin Jr.
Sa report sang Philippine Star, siyam ka bulan nga nagpangalagad si Azurin bilang pinakamataas nga pinuno sang Philippine National Police (PNP).
Miyembro sang PMA Makatao Class of 1989 si Azurin nga nagdumala sang 228,000-strong police force sumugod Agosto 1, 2022.
Ipatigayon ang change of command ceremony and retirement honors para kay Azurin sa PNP Transformation Oval sa Camp Crame las 8:00 sang aga, lunes, Abril 24.
Mangin guest of honor kag speaker si Presidente Ferdinand Marcos Jr. sa nasambit nga kahiwatan.*
