SAGAY, NEGROS OCCIDENTAL– May kabilugan nga P20,400 nga balor sang “shabu” ang narekober sa isa ka suspek sa ginpatigayon nga buy-bust operation sa Purok 14, Barangay Poblacion 1, Sagay City kagab-i, Abril 22, 2023.
Ginkilala ang suspetsado kay Karl Alfon Abong, 35-anyos, residente sang Purok Toong, Barangay Vito, Sagay City.
Nakuha kay Abong ang tatlo ka pakete sang “shabu” lakip na ang buy-bust item kag P500 nga buy-bust money.
Nagabug-at naman sang kapin tatlo ka gramos ang “shabu.”
Si Abong ang ginakabig bilang street level individual sang Sagay City Police Station.
Nakahunong karon si Abong sa Sagay City Police Station.*