Pop singer Lizzo ginpasakaan sang nagkalain-lain nga kaso sang iya mga anay dancers

Nagapangatubang sa karon sa mga nagkalain-lain nga kaso ang pop singer nga si Lizzo ukon Melissa Viviane Jefferson.

Ginpasaka nanday Arianna Davis, Crystal Williams, kag Noelle Rodriguez, nga anay mga dancers ni Lizzo, ang kaso batuk sa pop singer sa isa ka korte sa Los Angeles.

Pila sa mga kaso nga ginpasaka amo ang sexual, religious and racial harassment, discrimination, assault, kag false imprisonment.

Magluwas diri, gina-alegar ginpilit sila ni Lizzo nga magtambong sa mga sex shows kag magkig-socialize sa iban nga mga dancers humalin 2021 tubtob 2023.

Gin-akusahan naman ni Davis ang choreographer ni Lizzo nga si Tanisha Scott sang fat-shamming samtang yara sila sa tour.*