UPDATE—Nakatalana nga igapasaka ang kaso nga ‘frustrated murder’ batuk sa duha ka suspek nga nagluthang sa isa ka collector sang motor sa Purok Sabes, Barangay Villamonte sa siudad sang Bacolod kahapon nga adlaw, Miyerkules, Agosto 2.
Suno sa Station Commander sang Police Station 4 nga si Police Captain Greeky Cayao, ginkilala ang duha ka suspek nga sanday Raffy Tortosa kag Martin John Beatingo nga lunsay residente sang Barangay Villamonte.
Samtang ang biktima nga ginluthang ang ginkilala kay Wilfredo Loreno Jr., residente sang Barangay Vista Alegre, Bacolod, kag collector sang Rusi Motorcycle.
Nakaangkon sang pilas sa ulo ang biktima kag padayon nga ginabulong sa Doctor’s Hospital.
Ginahulat na lang sa karon sang pulis nga ma-discharge ang biktima para mapasaka na ang kaso sa duha ka suspek.*
