MANAPLA, NEGROS OCCIDENTAL– Pagapasakaan na sang kaso nga murder ang live-in partner nga nagbuno-patay sa 54-anyos nga babayi sa Hacienda Cuaycong, Barangay Punta Mesa, Manapla, Negros Occidental sadtong Hulyo 29, suno kay Manapla Chief-of-police Major Jaynick Bermudez.
Madumduman nga ginbuno-patay si Virgie Sabordo, 54-anyos sang iya live-in partner nga si Filem Billios nga padayon pa nga ginapangita sang kapulisan.
Nahibalu-an nga si Billios ang nagbuno-patay kay Sabordo bangud wala naga-angut ang iya mga pahayag sa kapulisan.
Suno naman sa mga nakakilala sa duha, pirmi sila nagalalisanay bangud sa kwarta kag pagpangimon.*