Isa ka anay childcare worker sa Australia ang ginkasuhan matapos gin-alegar nang-abuso sang 91 ka mga kabataan.
Ginlaragway ini sang kapulisan bilang isa sa “most horrific” child sex abuse cases sa pungsod.
Natabo ang pagpang-abuso sa 10 ka mga nagkalain-lain nga childcare centers humalin 2007 tubtob 2022 kag ginatarget lang sang suspek ang mga manughinupang nga mga babayi.
Ginpasakaan sang kaso ang lalaki sa 1,623 ka mga separado nga krimen nga iya nahimo, lakip na ang 136 counts sang rape kag 110 counts sang sexual intercourse sa mga kabataan nga naga-edad 10 anyos panubo.
Suno sa mga detectives, ila man nakuha ang cellphone sang 45-anyos nga suspek kung diin naka-save diri ang mga graphic materials sang iya pagpang-abuso.
