Ginakabig na sang gobyerno nga terorista si Negros Oriental Representative Arnolfo Teves Jr.
Magluwas kay Teves, gindeklarar man nga terorista sang Anti-Terrorism Council (ACT) ang 12 pa ka mga persona nga ginalakipan nanday:
Pryde Henry Teves-utod ni Congressman Teves
Marvin Miranda
Rogelio Antipolo
Rommel Pattaguan
Winrich Isturis
John Louie Gonyon
Dachniel Lora
Eulogio Gonyon Jr.
Tomasino Aledro
Nigel Electona
Jomarie Catubay
Hannah Mae Sumero Oray
Nakasaad sa resolusyon no. 43 sang Anti Terrorism Council (ACT), nga ginlapas ni Teves kalakip na sa iya kaupod sa grupo ang Sections 4,6, 10 kag 12 sang Anti-Terrorism Act, bangud sang asud asud nga mga kaso sang pagpamatay kag pagpang “harass” sa mga residente sa Negros Oriental.
Gintumod sang ACT ang ginhimo nga paglusob sang grupo ni Teves sa sulod sang compound ni Governor Roel Degamo.
Pirmado ni Executive Secretary Lucas Bersamin ang resolusyon, bilang chairman sang ACT.
Nagpirma man sa nasambit nga resolusyon sanday National Security Adviser Eduardo Ano nga vice chairman sang ACT kag retired Director General Ricardo de Leon nga pinuno sang ACT secretariat.
