Gin kwestyon ni Presidente Ferdinand Marcos Jr., kon kay sin-o magahalin ang pagpamahog batuk kay Negros Oriental Representive Arnolfo Teves.
Suno sa pangulo, mismo ang pinakamaayo nga intel sa PIlipinas ang nagasiling, nga wala sang security threat okon pagpamahog sa kabuhi sang kongresista.
Ginsuhestyon man sang pangulo nga mahimo makapili si Teves sang lugar kon diin ma “landing” ang iya private jet, agud mapasiguro ang safety sang kongresista.
Si Teves ang ginatudlo nga mastermind okon utok sa pagpatay kay Negros Oriental Governor Roel Degamo.
Ginpatay ang gobernador sa sulod mismo sang compound sang mga Degamo sa Pamplona, Negros Oriental.
Magluwas sa gobernador, nakaangkon man sang mga igo sang bala ang walo pa ka mga persona nga yara sa sulod sang compound.
Ginkustodiya na sang mga otoridad ang halos tanan nga nangamot sa kremin.
Kalabanan sa suspetsado, mga anay katapu sang militar, nga nagsuksuk pa sang military uniform sang ginpatigayon ang ambush.
“Mayaman ka naman, may private jet ka naman eh, maglanding ka kung san mo gusto. Sa Air Force base, maglanding ka sa Basa, papaligiran natin ng sundalo, walang makalapit ng isang kilometro,” suno kay Presidente Marcos Jr.*
