Gin-flag down sang kapulisan sa siudad sang Kidapawan ang isa ka pari nga sakay sa iya auto nga may dala nga imahe sang patay nga lawas ni Kristo bangud nasal-an ini nga biktima sang salvage.
Ginbakal ni Father Jonel Peroy ang Santo Entierro sa Digos City, Davao del Sur.
Si Fr. Peroy ang pari sa banwa sang Presidente Roxas sa Cotabato.
Samtang nagamaneho ang pari, gin-flag down ini sang kapulisan bangud gina-alegar may nakita sila nga patay nga tawo sa sulod sang salakyan.
Ginkumpirmar naman sang isa ka pulis nga indi gali tawo ang sakay sa salakyan kundi isa ini ka Santo Entierro.
Gin-aku naman sang pari nga daw gin-salvage ang pagputos sa imahe.
Nagapangayo sang pasaylo ang kapulisan sa natabo nga insidente.
Dugang pa ni Fr. Peroy, pagagamiton ang Santo Entierro sa pala-abuton nga kwaresma.*