Nabisto sang estudyante ang lalaki nga responsable sa pagkuha sang iya cellphone, bangud sang yuhom sang suspek.
Ginsaysay sang college student, nga magapauli na siya gikan sa eskwelahan kag nagabantay na sang jeep, sang hinali lang nga nagtupad ang lalaki sa iya kag nagtaya sang armas luthang sa iya kilid.
Bangud sang kahadlok gilayon nga ginhatag sang biktima ang iya cellphone, apang sang nagalakat na palayo ang lalaki, gintulok pa sini ang dalagita kag ginyuhuman.
Matapos sini, nagpadulong sa istasyon sang pulis ang biktima kag nag-upod sa follow up operation.
Ginkilala sang biktima ang holdaper bangud sang ginasuksuk sini nga panapton kag yuhom sang suspetsado.
Indi lang cellphone sang biktima ang nakuha gikan sa suspek ,kundi kalakip man ang kalibre 38 nga armas kag duha ka mga bala.
