Ginpasiguro ni Presidente Ferdinand “Bongbong” Marcos Jr, nga “in good shape” ang suplay sang bugas sa Pilipinas kag indi ini magakulang sa masunod nga mga binulan.
Sa report sang Pilipino Star Ngayon Digital, ginhimo ni Marcos ang pahayag matapos ang pagsinapol sa Malakanyang kaupod ang mga opisyal sang Department of Agriculture kag National Food Authority.
Apang kinahanglan pa ini dugangan agud masiguro nga indi magasaka ang presyo sini sa merkado kag suno pa kay Marcos nga sa karon maganubo gid ang buffer stock sang bugas sang NFA.
Ginpaathag man sang presidente nga kinahanglan baklon sang NFA ang buffer stock sini gikan sa local producer nga nagaduso sa pagpasaka sang presyo sang bugas, agud masiguro nga bastante ang suplay sang humay.
Sa karon ginatinguhaan sang gobyerno nga masiguro nga bastante ang buffer stock sang NFA.
Ginbida naman sang presidente nga amat-amat na sa karon nga nagabaskog ang ani sang mga mangunguma.
Base sa DA 2023 supply outlook, yara sa 16.98 million metrics tons ang suplay sang bugas, nga makaigo para sa 15.29 million metric tons nga demand sa bilog nga tuig.*
