Gin bawian sang kabuhi sa ospital ang isa ka preso sang Escalante City PNP matapos nga magbatyag sang tuman ka sakit sa iya nga tiyan.
Sandig sa report nagikan sa kapulisan sang syudad nga una nga nag reklamo sadtong Mayo 6, Huwebes nga adlaw sang pagpalanakit sa iya nga tiyan ang preso nga gin kilala sa kay Rajie Yap 20-anyos ang edad kag residente sang Yolanda Homes, Brgy. Washington sa nasambit nga syudad, rason nga siya ang gin pacheckup sa doktor.
Sunod nga adlaw Mayo 7, Biernes takna alas-9:40 sang aga ini siya ang gin admit sa Vicente Gustilo Memorial District Hopital sa syudad man sang Escalante bangud sang naga lala nga sitwasyon ni Yap.
Apang sang Mayo 8, Sabado takna alas-12:45 gin bawian sang kabuhi si Rajie Yap kag suno sa doktor nag suprer sang acute-respiratory failure si Yap nga nangin rason sang iya kamatayon.
Madumduman nga naaresto sadtong Pebrero 23, 2021 si Rajie Yap bangud sa kaso nga Frustrated Murder.
