Nakarekober sang P55,073,404 sang iligal nga droga ang Police Regional Office-6 sa sulod sang 4 ka bulan sa anti-illegal drug operation sa Western Visayas.
Suno kay Police Brigadier General Rolando Miranda PRO6 director nga ang mga illegal drugs ang halin sa 662 ka police operations nga ginpatigayon sa masunod nga mga unit sa rehiyon:
• Aklan -14 operations
• Antique – 3 operations
• Capiz – 32 operations
• Guimaras – 6 operations
• Iloilo Province – 56 operations
• Negros Occidental – 280 operations
• Bacolod City – 219 operations
• Iloilo City – 52 operations
Ang nasambit nga operasyon ang nagresulta sa pag-aresto sa 841 ka indibidwal nga nagahimo sang illegal drug activities sa (Aklan – 15, Antique – 3, Capiz – 47, Guimaras – 6, Iloilo Province – 66, Negros Occidental – 357, Bacolod City – 284 kag Iloilo City 63).
Dugang pa nga umpisa Enero tubtob Abril 2021, kapin sa 7752.376 gramos sang shabu ang nakumpiskar sa Negros Occidental nga amo ang nangin most number sang confiscated shabu nga may 3071.659 grams, kag ginasundan sang Bacolod City nga may 2214.259 grams, Iloilo Province nga may 1624. 969 grams, Iloilo City nga may 502.561 grams, Capiz – 324.809 grams, Guimaras nga may 5.910 grams, Antique nga may 4,500 kag Aklan nga may 3.7 grams.
Samtang, kung tuhoy naman sa marijuana, ang Iloilo Province ang nagapanguna nga may 1,402.3 grams.
May pagsaka naman sa drug confiscation nga Php10, 347,291.53 halin sa Php44, 726,113.03 sa parehas nga tuig.
