Naghina na ang “demand” sang itlog kag nagnubo na ang presyo sini sa merkado suno sa Philippine Egg Board Association.
Nagpaandam ang grupo sa posible nga paghina pa gid sang produksyon sang itlog sa pungsod, bangud sang nagamahal nga presyo sang bubod para sa mga nagapangitlog nga manok.
Suno kay Gregorio San Diego, halos mapiyerdi na ang mga negosyante sang itlog bangud sang nagataas nga presyo sang feeds kag naganubo nga presyo sang itlog sa mga balaligyaan.
Ginkumpirmar ni San Diego nga nagnubo sang P1.00 kada bilog ang presyo sang regular size nga itlog, samtang P1.50 naman ang ginbuhin sa presyo sang magagmay nga size sang itlog.
Kasunod sini nagpaandam si San Diego nga posible mauntat na naman ang mga negosyante sa pagbaligya sang itlog bangud sang nagamahal nga feeds.
“Tumataas ang presyo ng feeds, bumababa ang presyo ng aming itlog, eh ‘di lalong lalaki ang pagkalugi namin. Dadating na naman tayo sa marami ‘yung titigil kung ‘di na makakayanan ‘yung pagkalugi,” pahayag ni San Diego.*
