Gindala sa ospital ang isa ka 61 anyos nga lalaki matapos nga nagbatyag sang pagpalangapoy, ubo, pagkapa-os sang tingog kag kabudlay sa pagtulon sang pagkaon.
Matapos nga ginpaidalum sa laboratory test, nahibaluan nga positibo ini sa paratracheal abscess okon “nana” sa iya li-og.
Sang gindala na ang sample agud ipaidalum sa “testing”, nadiskubrihan nga infected ini sang Chondrostereum purpureum, nga isa ka sahi sang fungus, nga nagatuga sang balatian nga “silver leaf disease” sa mga tanom.
Naka recover ang lalaki sa nasambit nga fungal infection, matapos nga nagtumar sang “antifungal medications” sa sulod sang duha ka bulan.
Suno sa mga eksperto, ini ang pinaka una nga kaso sa tawo nga nakaangkon sang “plant fungal disease” sa bilog nga kalibutan.
Gintumod man sa report nga isa ka Indian national ang nakaangkon sang nasambit nga balatian, apang wala na ginhingadlan.*
