Ginkilala bilang kampeon ang team sang Cignal HD Spikers sa ginpatigayon nga Spikers Turf Open Conference sa Paco Arena, Marso 31, 2023.
Ginlutos sang Cignal ang team sang AMC-Cotabato Spikers sa lima ka sets kag nangin madinalag-on.
Bronze medal naman ang nakuha sang City of Imus matapos ginlutos nila ang team sang D’Navigators Iloilo.
Ang Spikers Turf Open Conference ang ginalakipan sang mga men’s volleyball professional players.
Madumduman nga wala maka-agum sang kalutusan ang team sang Cignal sa bilog nga conference sang liga.
Apisar nga wala nakasulod ang Iloilo sa podium finish, madamo naman sang awards ang ila nakuha.
Kalakip na sanday John Michael Apolinario bilang Best Setter, Jadealex Disquitado bilang Best Outside Spiker kag Mfena Gwaza bilang Best Middle Blocker.
Dugang pa, ginkilala man bilang Most Valuable Player si Joshua Umandal sang AMC.
Sa nakuha nga kampeonato sang Cignal, kalakip diri sanday Wendel Concepcion Miguel bilang Best Outside Spiker, John Paul Bugaoan bilang Best Middle Blocker, Ysrael Wilson Marasigan bilang Best Opposite Spiker, Manuel Sumanguid III bilang Best Libero kag Finals MVP naman si Marck Espejo.
Ang Cignal HD Spikers ang may kabilugan nga anum ka kampeonato, apat ka silver kag isa ka bronze.*