Presyo sang sibuyas target sang gobyerno nga panubuon sa P80 per kilo sini nga tuig

Gikan sa P170 kada kilo, target sang Department of Agriculture (DA) nga panubuon sa P80 kada kilo ang presyo sang sibuyas sa mga merkado sini nga tuig 2023.

Nagalaum ang ahensya nga mangin maayo na ang suplay sang sibuyas sini nga tuig sa pungsod.

Bilang preparasyon, nagpahamtang na sang mas madamu nga storage facilities ang DA agud magalawig ang “shelf life” sang sibuyas.

Suno sa DA, malapit na gid lang ang harvest season sang sibuyas nga makadugang sa suplay sang produkto sa Pilipinas.

Nagalaum ang ahensya nga maganubo ang presyo sang sibuyas sa tunga tunga sang Enero tuig 2023, bangud sa pag umpisa sang “harvest season”.*