Nagretiro na sa team sang Azkals ang football player nga si Stephan Schrock matapos sang hampang batok Indonesia sa 2022 AFF Mitsubishi Electric Cup nga ginhiwat sa Rizal Memorial Footbal Stadium.
“As you know, in football, nothing is for sure. But 99%, this will be my last game for the national team.” suno kay Schrock.
Ang 36-anyos kag team captain sang Azkals ang nag-debut sa Pilipinas sadtong 2011 matapos nangin representante sang Germany.
Si Schrock ang naka-puntos sang anum ka beses sa iya football career bilang Azkals.
Sadtong 2019 AFC Asian Cup, si Schrock lang gid mismo ang nakapuntos sa team batok Kyrgyzstan.
Dako nga sakripisyo ang ginhatag sang player sa team bangud ginbaya-an niya ang iya pamilya agud makahampang sang football.
Sa subong, nataktak na ang Azkals sa nagapadayon nga 2022 AFF Mitsubishi Electric Cup.*
