Nagapanindugan si Iloilo Governor Arthur Defensor Jr nga indi nagakadapat nga ibalik ang probinsya sa MECQ ukon ECQ apisar sang asud-asud nga pagsaka sang COVID-19 nga kaso nga lunsay makabig nga local transmission.
Nagapati ang gobernador nga labing maapektuhan ang ekonomiya sang probinsya kung magabalik sa istrikto nga quarantine measures.
Mas makapamaayo suno kay Defensor nga magapabilin sa MGCQ ang Iloilo agud mapadayon ang pangabuy-an sang mga pumuluyo apang magabutang lang ini sang dugang nga ‘adjustments’ agud ma sekyar ang health and safety measure sang mga pumuluyo.
Ilabi nag id sa mga nagapatigayon sang haya ukon ‘funeral wakes’ agud mapasegurado ang social distancing.
Dugang pa sang gobernadornga nagakadapat nga balansi ang pagpatigayon sang quarantine procedures kag sang apekto sini sa ekonomiya.
