Ginapahalin karon sa serbisyo ang isa ka pulis matapos ginpalagyuhan ang nabunggu-an-patay nga tricycle driver sadtong Agosto 6, 2022 sa Anonas Street, Quezon City.
Ginkilala ang pulis kay Police Lieutenant Colonel Mark Julio Abong, anay hepe sang Criminal Investigation and Detection Unit (CIDU) sang Quezon City Police apang ang tricycle driver naman ang ginkilala kay Joel Laroa.
Ginpanginwala naman ni Colonel Abong ang akusasyon nga siya ang nagamaneho sang truck.
Pito ka bulan matapos sang aksidente, ginpamatbatan sang People’s Law Enforcement Board (PLEB) si Abong nga guilty para sa mga kaso nga grave misconduct, grave neglect of duty kag conduct unbecoming of a police officer with the aggravating circumstance of employment of fraudulent means to conceal an offense.
Suno sa dokumento nga ginpirmahan ni PNP Chief Rodolfo Azurin, gindala si Abong sang QCPD Mobile sa PNP Health Service kag gin-alegar nga nakainom ini sang makahulubog nga ilimnon.
Ginpamatbatan man sanday Police Colonel Barredo kag Police Corporal Vicente sang guilty of grave neglect of duty bangud wala nila gilayon gindakop ang pulis.
Samtang guilty of grave misconduct naman ang ginpamatbat kay Police Senior Master Sergeant Jose Soriano bangud wala ginpadayon ang imbestigasyon may angut sa insidente.
Dugang pa, tatlo tubtob anum ka bulan nga suspensyon ang paga-atubangon sang tatlo.
Ginpanginwala naman sang tatlo ang mga alegasyon.
Dugang pa, wala nagpatigayon ang PLEB sang pre-charge investigation antes sila kasuhan.*
