BACOLOD CITY – Arestado ang isa ka “pusher” sa ginpatigayon nga buy-bust operation sa Sitio Serena, Barangay Enclaro sa banwa sang Binalbagan, Negros Occidental, takna las 4:20 sang hapon, Lunes, Nobyembre 21, 2022.
Gindakup sang katapo sang Philippine Drug Enforcement Agency-Negros Occidental Provincial Office kag Binalbagan Police Station si Aphrodite Rivera Song, 38-anyos, residente sang Purok Daisy sa Binalbagan.
Si Song ang gin-report sa “Isumbong Mo Sa PDEA!” Hotline.
Kapin 16 ka gramos ukon P108,800,000 nga balor sang suspected shabu ang gin-alegar nakuha kay Song.
Magapangatubang si Song sang kaso sa paglapas sa Section 5 ukon sale kag 11 ukon possession of drugs sang Republic Act 9165 ukon Comprehensive Dangerous Drugs Act of 2002.*