Natalana nga pasidunggan sang Bacolod City Police Office ang Radyo Bandera-Bacolod 103.9 FM buas nga adlaw sa ila na flag raising ceremony.Ini matapos nga ini ang labing una nga istasyon nga nagresponde kag naghatag sang balita may kaangtanan sa pagsungka kag pag-interview sa suspek may kaangtanan sa ginkumiter sini nga kremin sang gintalikdan nga huebes sang gab-i sa Purok Hacienda Arao Barangay Estefania.
Matandaan nga wala na sang kabuhi sang masapwan ang anum katuig nga bata nga babaye sa isa ka bakante nga lote sa nasambitan nga lugar, matapos ginaalegar nga ginlampusan kag ginpanghimuslan sang suspek ang biktima.
Pila naman ka mga empleyado sang Radyo Bandera ang makabaton sang Certificate of Appreciation tungod sa dedikasyon kag partisipasyon nga ila ginpakita agud mahatag ang nagakaigo nga detalye may kaangtanan sa makalolooy nga gin dangatan sang biktima.
Lakip sa makabaton sang nasambitan nga sertipoiko amo si Kabanderang Eljohn Castaño station manager kag anchorman, Rey Umalay reporter/anchorman kag kabanderang Vincent Coralde reporter/patrol driver.Daku naman ang pagpasalamat sang pamunuan sang Radyo Bandera bangod sa pagkilala sang Bacolod City Police Office sa ila kontribusyon sa hilway kag patas nga pagdul-ong sang mga balita
