Friday, October 7, 2022

REKLAMO SANG PILIPINAS, WALA GINSAPAK SANG CHINA ANGOT SA GINA-AGAWAN NGA TERITORYO

- Advertisement -

Liwat naman nga ginbalewala sang China ang mga diplomatic protest nga ginpasaka sang Pilipinas batok sa ila.

Suno sa Beijing, padayunon nila ang “law enforcement activities” sa gina-agawan nga teritoryo sa South China Sea.

Una diri, ginreklamo sang Pilipinas ang ginhimo nga pagpang-ipit sang Chinese vessels sa mga sakayang pandagat sang Pilipinas nga nagahimo sang maritime patrol sa kadagatan nga sakop sang Pilipinas.

- Advertisement -

“China’s position on the South China Sea issue is consistent and clear-cut. It is legitimate and reasonable for China’s maritime law enforcement authorities to conduct law enforcement activities in waters under China’s jurisdiction in accordance with domestic laws and international laws, including the United Nations Convention on the Law of the Sea,” suno kay Chinese Foreign Ministry spokesman Wang Wenbin sa press briefing sa Beijing.

Suno sa Department of Foreign Affairs, masobra sa 200 diplomatic protests ang ginpasaka sini batok sa China bangud sa “unlawful radio challenges, sounding of sirens, and blowing of horns” sa mga nagapatrolya nga Philippine vessels sa bahin sang West Philippine Sea.

Magluwas sa Pilipinas kag China, may gina-angkon man nga teritoryo sa South China Sea ang Vietnam, Malaysia, Brunei kag Taiwan.

- Advertisement -
Coolen Cubia
Coolen Cubia
A newscaster and news writer in one of the Local Radio FM Stations in Negros Occidental. Graduated in University of Negros Occidental-Recoletos Bachelor of Science in Mass Communication.

Related Articles

Leave a Reply

Stay Connected

- Advertisement -

Latest Articles