Ginkasuhan na ang isa ka retired police kag ang babayi sini matapos ma-aktuhan sang iya misis nga nagadugsinganay sa isa ka inn sa Davao.
Nagapangatubang sang kaso nga Concubinage ang anay pulis, nga sini lang nga Pebrero nag-retire.
Magluwas diri, siya ang ginkasuhan man sang paglapas sang Republic Act 9262 ukon ang “Anti-Violence Against Women and Their Children Act of 2004” in relation to Emotional & Psychological Abuse.
Samtang ginpasakaan man sang kaso nga Adultery ang babayi sang pulis.
Naka-piyansa ang babayi, samtang nagapabilin sa kustodiya sang Sasa Police Station ang retirado nga pulis.
Nag-trending sa social media ang video sang pagkadakup sang legal wife sa iya bana nga retired police kag babayi sini nga nagapakighilawas sa ibabaw sang kama sadtong Setyembre 7, 2022.*
