Ginbawian sang kabuhi ang isa ka rider matapos mabungguan sang van sa Crossing Taborda, Barangay Robles, banwa sang La Castellana, Negros Occidental, takna las 11:30 sang gab-i, Sabado, Setyembre 23, 2023.
Ginkilala ang biktima kay Jay Mameng, ligal ang pang-edaron, nagamaneho sang XRM motorcycle nga nagaduag itom kag puti, kag residente sang Hda. Conchita Villanueva, Barangay Sag ang, La Castellana.
Samtang, ginkilala ang suspek kay Cyril Caparida y Calumba, 39-anyos, nagamaneho sang KIA L300 Van, kag residente sang Barangay Montilla, banwa sang Moises Padilla.
Base sa report sang La Castellana Municipal Police Station, samtang nbagabiyahe papauli ang biktima sakay sang motorsiklo, hinali na lamang ini nga nabungguan sang van nga yara sa pihak nga linya sang karsada.
Ginhingagaw dala sa Regional Health Unit (RHU) sa La Castellana ang biktima agud mahatagan sang medikal nga atensyon, apang gindeklarar ini nga dead on arrival sang attending physician.
Yara na sa kustodiya sang La Castellana MPS ang duha ka salakyan nga imboldado sa aksidente para sa nagakaigo nga disposisyon.*
