Nakalab-ot na si Neiljay Matunding ukon mas kilala bilang Sikad Pilipinas sa banwa sang San Jose de Buenavista, Antique sang Huwebes, Setyembre 21, 2023.
Tumandok si Matunding sang Don Carlos, Bukidanon kun sa diin nagsugod ang iya pagsikad agud libuton ang bilog nga Pilipinas.
Madumduman nga nag-viral si Sikad Pilipinas sa social media bangud sa iya adbokasiya nga maglibot sa Pilipinas pinaagi sang pagsikad agud makapalapnag sang ihibalo sa mga pumuluyo angot sa bag-o lang napasar nga hagna nga Senior Citizen Abuse Act ukon House Bill no. 4696.
Ginahimo niya ini bangud nasaksihan mismo ni Neiljay kun paano gin-abuso ang iya nga Lola.
Naka survive si Neiljay pinaagi sa bulig sang pila ka mga Local Government Unit nga iya na nabisita nga amo ang nagapadala sa iya sang allowance para sa pagkaon kag tululugan.
Kahapon nga adlaw ang ika-248 nga adlaw na nga pagsikad ni Matunding.*
