Dead on arrival ang isa ka rider matapos nga magdiretso ang iya ginasakyan nga motorsiklo sa kampo sa may bahin sang Kurbada Umapog, Barangay Luna, siudad sang Cadiz, takna las 5:45 sang aga, Martes, Setyembre 26.
Ginkilala ang biktima kay Kinneth Valderama, 26-anyos, residente sang Puok Sago, Barangay San Juan, banwa sang Pontevedra kag ginamaneho sini ang iya motorsiklo nga Suzuki Raider 150.
Base sa imbestigasyon sang Cadiz City Police Station, gina-usoy ni Valderama ang dalan sang Cadiz padulong sa Manapla sang hinali na lamang ini nadulaan sang kontrol sa iya ginamaneho nga motorsiklo, kag nagdiretso sa kampo nga yara lamang sa higad sang karsada.
Gilayon naman nga gindala sa ospital ang biktima bangud sa iya naangkon nga mga injuries, apang gindeklarar ini nga dead on arrival sang attending physician.*
