San Carlos Nagapanguna sa May Pinakamadamo nga Active Cases sang COVID-19 sa Negros Occidental

Nagapanguna ang ciudad sang San Carlos sa may pinakamadamo nga aktibo nga kaso sang coronavirus disease (COVID-19) sa Negros Occidental, sandig sa pinakaulihi nga report sang Provincial Incident Management Team as of April 13, 2021.

Ang San Carlos ang may 301 ka mga active cases. Ini ang ginasundan sang banwa sang Cauayan nga may 125 kag Kabankalan nga may 123.

Sa karon may 1,572 ka aktibo nga kaso sang COVID-19 sa probinsya.

Running total sang COVID-19 sa probinsya ang yara na sa 8,952 kon sa diin 238 diri ang napatay kag 7,142 ang nagkala-ayo.*