Tuesday, July 16, 2024

Sanitary Napkins Nga Ginbakal Sang Owwa Sa Hardware,Ginkwestyon Sang Coa

- Advertisement -

Ginmandu na sang Commission on Audit (COA) sa Overseas Workers Welfare Administration (OWWA) nga e “justify” ang pagbakal sang hygiene products kalakip na sang “sanitary napkins” nga naglab-ot sa P1.269 million.

Base sa report sang COA, ginbakal sang OWWA ang mga hygiene products sa construction store kag trading company.

Sa audit report sang COA, gindudahan sang ahensya ang pagbakal sang hygiene kits, sanitary napkins kag thermal scanners sang OWWA deputy administrator, bangud wala ini ginbakal sa mga kilala nga drugstores kag supermarkets.

- Advertisement -

Nakasaad man sa report sang Commission on Audit nga indi makita sa address nga nakasaad ang establisemento nga ginbaklan sang OWWA sang nasambit nga mga produkto.

Suno sa COA, wala ma itemized ang hygiene kits nga nagabili sang P160 samtang ang sanitary napkins ginbakal sang OWWA sa bili nga P10 tubtub P30 ang kada pad, nga suno sa OWWA nagabili lamang sang P5 to P8 sa mga sari sari stores.

Nakasaad man sa report sang COA nga ang thermal scanners ginbakal sa bili nga P2,950 kada unit , apang ang presyo sini “online” nagalab-ot lamang sa P400 tubtub P800, suno sa ahensya.

Nagbakal man ang OWWA sang bottled water kag snacks nga nagabalor sang P300,000 gikan sa caterer nga may business address sa Quezon City.

Bangud sini, ginmanduan na sang COA ang Deputy administrator sang OWWA nga e justify ang nasambit nga mga transactions.

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles