Matapos ang tatlo kabulan nga training sa Malaybalay, Bukidnon, excited na kuntani nga magpauli sa iya pamilya si Sgt. Al-Ameen Musappa Sahibuddin.
Apang, sa wala gin-antisipar nga aksidente, nadelatar pa ang iya kagustohan nga makaupod na ang pamilya sa labing madali nga panahon matapos maghugpaas ang ginasakyan nga C-130 plane.
Indi magnubo sa 50 ka soldado na ang patay kag pila ka mga sibilyan bangud sa nagluntad nga aksidente.
Maswerte na lamang si Sahibuddin nga nag-gana ang iya nga ‘survival instinct’ kag gilayon nga naglumpat gikan sa eroplano.
Nakaangkon lamang siya sang injury sa ulo kag lawas.
Ginapasalamatan sang lubos sang pamilya ni Sahibuddin ang iya pagkaluwas sa aksidente.
“Endless thanks to Allah,” suno sa bata ni Sahibuddin.
Lakip si Sahibuddin sa kapin 50 ka mga survivors sa ginakabig sa karon nga pinakamalala nga military air disaster sa sini nga dekada.
