Nagbiya sa Philippine Women’s Volleyball Team si Kath Arado bilang libero sa maabot nga Southeast Asian Games nga pagahiwaton sa Cambodia.
Pagabuslan naman ni Bang Pineda si Arado.
Ini matapos ginkumpirmar ni Philippine National Volleyball Federation Chairman sang National Team Commission nga si Tony Boy Liao sa ABS-CBN News nga nagbiya ang PLDT Power Hitters libero nga si Arado.
Mangin kaupod naman sang Akari Power Chargers libero nga si Pineda si Kyla Atienza sang Creamline Cool Smashers.
Ang Team Philippines ang kabahin sa Group B kaupod ang Vietnam, Cambodia kag Singapore.
Samtang, sa Group A naman, maga-atubangay ang Thailand, Indonesia, Myanmar kag Malaysia.
Opisyal nga magasugod ang SEA Games sa Mayo 5 apang matabo ang volleyball tournaments sa Mayo 3 sa Morodok Techo Elephant Hall.*
