BACOLOD CITY – Ginpulihan labo ang isa ka senior citizen sa Sitio Marabo, Barangay Mambaroto sa syudad sang Sipalay, Negros Occidental, takna las 11:00 sang gab-i, Sabado, Nobyembre 19, 2022.
Ang mga suspek, iya man lang utod kag mga kahinablusan.
Pilason nga gindala sa Silay City Infirmary si Alejandro Gonsalez, 63-anyos apang ini ang gin-refer sa ospital sa syudad sang Bacolod.
Nadakpan naman ang tatlo ka mga suspek nga ginkilala kay Armando Gonsalez, 55-anyos (manghod sang biktima); Jezah Mae Gonsalez, alyas “Aw-aw,” 29-anyos (hinablos nga babayi sang biktima); kag Armando Gonsalez Jr., 23-anyos (hinablos nga lalaki sang biktima).
Sandig sa imbestigasyon, nagapadulong sa balay sang iya magulang si Alejandro sang ginlabo ini sang tatlo ka suspek sang makapila ka beses.
Nakaangkon sang labo sa nagkalain-lain nga parte sang iya lawas kag ulo si Alejandro.
Nakahunong karon sa custodial facility sang Sipalay Police Station ang tatlo ka mga suspek.*