Tuesday, July 16, 2024

State Universities And Colleges Mental Health Service Act Gin-Aprubahan na sang House Committee On Appropriations

- Advertisement -

Gin aprobahan na sa House Committee on Appropriations ang House Bill nga gin author ni Bacolod Congressman Greg Gasataya nga nagatuyo sa paghatag sang atensyon sa mental health sa mga State Universities and Colleges ukon SUC.

Ang State Universities and Colleges Mental Health Service Act ang ginalauman nga makabulig sa mental health sang mga estudyante, manunudlo, non-teaching staff kag iban pa nga mga personnel sa mga SUC.

Sa idalum sang ini nga hagna, magapatukod ang gobyerno sang Mental Health Office kag Mental Health Hotline sa tanan nga mga SUC kag nalakip na diri ang hiring, training and deployment sang dugang nga SUCs-based mental health service personnel.

- Advertisement -

Upod man sa hagna ang pagbutang sang nagakaigo nga budget para pagpatuman sang nagkalain-lain nga mga mental health programs.

Suno kay Cong. Greg importante nga mahatagan man sang pagtamod ang mga kinahanglanon sang mga estudyante kag manunudlo sa bahin mental health ilabi na nga mangin sablag sa ila pagtuon ang mga emotional, behavioral kag psychosocial issues nga ila gina atubang.

Gindayaw naman ni House Committee on Higher and Technical Education Chairman Congressman Mark Go kag sang iban nga katapo sang komitiba ang in inga hagna bangud tuman ini ka mapuslanon ilabi na sa gina atubang sa karon nga pandemya.

Bilang vice chairman sang House Committee on Appropriations ginduso man ni Cong. Greg ang approval kag amendments sang iban pa nga mga house bills sa bahin sang edukasyon kag ikaayong lawas: Young Athletes Assistance Act, Provincial Science and Technology Act, E-Health System and Services Act, Enterprise-Based Education and Training Act, Electric Vehicles Act, Establishment of a Timbangan ng Bayan Center in All Markets (amending RA 7349) kag Retirement Benefits of Justices, Judges and Judiciary Officials (amending RA 910, RA 9946).

- Advertisement -
Jinn Siatita
Jinn Siatita
Jinn Siatita, a radio reporter and a news writer in one of the local FM radio stations in Bacolod. Honed by the best and molded by experts.

Related Articles

Leave a Reply

Stay Connected

33,995FansLike
9FollowersFollow
0SubscribersSubscribe
- Advertisement -

Latest Articles