PHILIPPINES- Ginapapangita ni Senator Grace Poe ang mga nagapang-ipit sa suplay sang kalamay rason sang articial shortage sini sa Pilipinas.
Suno kay Poe, chairman sang Senate committee on economic affairs, dapat na gamiton ang layi batuk sa mga “sugar hoarders” ukon nagabakal sang mga madamo nga suplay sang kalamay nga naga resulta sang artificial shortage kag pagtaas sang presyo sang kalamay.
Sa imbestigasyon sang Senate Blue Ribbon Committee, kinahanglan nga mahibaluan ang lokasyon sang kompanya ukon indibidwal nga nahatagan sang import permit agud mag-import sang kalamay kag posible naga-ipit sa mga suplay sini.
Ginpaathag ni Poe, posible nga sindikato ang naga-ipit sa suplay sang kalamay para may yara sila sang rason nga maka-import pa sang madamo nga suplay sa ma taas nga presyo.
Ginpahayag ini ni Poe matapos gin-anunsyo ni Senate President Juan Miguel Zubiri nga nakatambak sa mga Customs warehouse ang masobra 126,000 imported nga kalamay nga yara sa 172,000 metric tons nga nag-abot sadtong Hulyo 31 sa Pilipinas.
