BACOLOD CITY– Dakop ang duha ka mga persona matapos makuhaan sang kapin P142,000 nga balor sang ginasuspetsahan shabu sa ginpatigayon nga buy-bust operation sa Purok Hervias 2, Brgy. Villamonte sa syudad sang Bacolod sang Martes, Agosto 16.
Ginkilala ang mga suspetsado nga sanday Riezlyn Silos, 32-anyos nga residente sang nasambit nga lugar kag Raymund Parcon, 35-anyos nga residente sang Purok Abkasa, Brgy. Mandalagan, sa nasambit nga syudad.
Nakumpiskar sa mga suspetsado ang lima ka sachets sang ginasuspetsahan shabu nga nagabalor sang P142,800.
Yara sa kustodiya sang Bacolod City Police Station 5 ang mga suspetsado nga pagapasakaan sang kaso sa paglapas sa Sections 5 kag 11 sang Republic Act 9165 ukon Comprehensive Dangerous Drug Act of 2002.
