Naga reklamo na ang mga carinderia kag sari sari store owners nga apektado na ang ila nga income, bangud sang kakulang sang suplay sang softdrinks.
Suno sa Philippine Association of Stores and Carinderia Owners (PASCO), ginpahibalo na sa ila sang mga wholesalers sang softdrinks nga maapektuhan ang deliveries sang produkto, nga posible maglawig sa tatlo ka bulan okon masobra pa.
Naghingyo sa gobyerno ang grupo nga kon mahimo mapangitaan sang solusyon sa mas madali nga panahon ang sitwasyon.
Una diri, ginbulgar sang Coca Cola Beverages Philippines Inc., Pepsi-Cola Products Philippines kag ARC Refreshments Corporation nga ang kakulang sa suplay sang kalamay, isa sa mga gina atubang nga problema sang industriya okon bottling industry.
Nagapanguna nga ingredients ang kalamay sa paghimo sang softdrinks.
Statement from PASCO:
“Talagang malaki ang epekto sa kinikita naming mga tindahan sa aming pangkalahatang kabuhayan ang kakulangan ng sapat na produktong mabenta sa aming mga suki at mamimili,” “Kung kaya nais naming iparating sa mga kinauukulan ang aming sitwasyon, at kung maari po sana ay magawan ng solusyon sa lalong madaling panahon ang kakulangan ng produktong inumin dulot ng kakulangan sa asukal. Para na rin po ito sa aming kabuhayan at kinabukasan ng aming pamilya.”
