BACOLOD CITY – Duha ka gold, isa ka silver, kag isa man ka bronze medal ang nakuha sang Hanah Taekwando Academy sang siudad sang Bacolod sa ginpatigayon nga National Taekwando Competition.
Nagpartisipar ang Hanah Taekwando Academy sa Smart/MVP Sports Foundation-National Carlos Palanca Jr. Taekwondo Championships nga ginhiwat sang Sabado tubtub Domingo, Pebrero 18-19, sa Ayala Malls-Manila Bay sa Parañaque.
Nakuha ang una nga gold sang Bacolod Team ni Dondy Santillan Jr. kag ginsundan ini ni Joshua Emmanuel Deita.
Nadaug naman ang silver ni Zyx Marisse Geocadin samtang bronze naman kay Ashley Jasmen Rose Chavez.
Ang nasambit nga torneo ang ginakabig bilang pinakabantog nga taekwando competition sini nga tuig 2023 kun diin “blackbelts” lamang ang ginpahanugutan nga makapartisipar.
Posible nga malakip sa pagpili sang national team ang mga nagdaug sa nasambit nga torneo.
“I am very impressed with the performances of my athletes, I am glad that they have displayed everything they learned from all the months of training we had. We have a very good tune up games last week at the NOPSSCEA taekwondo competition, even though I was expecting 4 gold medals, its still overwhelming getting 2 gold medals, 1 silver and 1 bronze medals. We will train harder when we get home and we know that we will get better in the next national competition,” pahayag sang coach nga si Vic Feria.
