Padayon ang pagpanaway sang Task Force Disiplina sa mga pasahero sang public utility jeepneys, pati na sa mga bus, nga wala naga suksok sang face mask kag face shield, kalakip na ang mga driver.
Suno kay Wilfredo “Taba” Geolingo sang Task Force Disiplina, nga ila man ginasaway ang mga driver nga wala gina islan ang guba nga mga barrier sa ila mga salakyan, pati na ang mga naga overloading.
Ginsiling man ni Geolingo nga kun makapila na nila sawayon ang mga driver kag wala sa gihapon naga tuman sa pagsulondan agud malikawan ang latnanay, sila ang maga-issue na sang citation tickets.
Komparar sa nagliligad nga mga binulan, base sa obserbasyon ni Geolingo, naga kooperar naman gid ang mga pumuluyo apang may yara pa sang mga iban nga naga kompiyansa rason nga naga saka ang mga kaso sang COVID-19 sa ciudad.*
