BATUAN, Masbate – Patay ang tatlo ka mga indibidwal, lakip na ang duha ka mga menor de edad sa pagpanglabp nga natabo sa banwa sang Batuan, sa Masbate, Biyernes sang kaagahon.
Suno kay Police Capt. Alfredo Lastrella Jr., hepe sang Batuan Municipal Police Station, nagsulod ang suspek sa balay sang mga biktima kag ginpanglabo ang mga sa ulo, nawong kag iban pa nga bahin sang lawas ang anum kag pito ka tuig nga mga kabataan.
Ginapahayag nga nakabugtaw ang 30-anyos nga tiyo sang mga bata apang pati ini ang ginlabo man sang suspek.Sa imbestigasyon sang mga pulis, target sang suspek ang guardian nga babayi sang isa sa mga baga nga gin-attempt man sini nga labuon pila ka oras antes ang insidente apang napunggan sang mga residente.
Natabuan naman nga naggwa sa balay ang nasambit nga guardian kaupod ang iloy sang isa pa ka bata sang natabo ang krimen.Ginapahayag nga ginpasibangdan sang guardian ang suspek nga nagkawat sang nadula nga wallet sang iya nga iloy.
Sa karon padayon pa nga ginapangita sang mga pulis ang nakapalagyo nga suspek nga pagapasakaan naman sang kaso nga multiple murder.
