Makabaton sang ayuda ang mga lapsag kag mga nagabusong nga “at-risk” ang sitwasyon subong nga tyempo sang COVID-19 pandemic.
Ini ang ginpahayag ni Presidential Spokesman Harry Roque matapos nga aprubahan sang Inter-Agency Task Force (IATF) ang isa ka resolusyon para diri.
Sa idalom sang ginatawag nga dietary supplementation program,, magabaton sang cash ukon food packs ang mga lapsag nga nagaedad sang anum ka bulan tubtob 23 ka bulan kag mga ginatawag nga nutritionally at risk pregnant women.
Suno kay Roque, kabahin ini sang pagpasanyog sa healthcare sang mga Pilipino kag isa man ka pamaagi agud nga mabuhinan ang insidente sang gutom nga ginpalala pa sang COVID-19 Pandemic.
“Ito po ay alinsunod sa obligasyon ng estado na itaguyod ang karapatan ng kalusugan, lalung-lalo na po ng kabataan at ang mga nagdadalang-taong mga nanay,” Pahayag ni Roque
