QUEZON CITY– Patay ang isa ka traffic enforcer matapos malapakan sang truck sa Quezon City.
Makita sa CCTV footage nga nagapatabok ang enforcer sang mga tawo sa pedestrian lane kag makaligad ang pila ka mga segundo, nagasaruso lang ang truck kag nagpaidalom diri ang enforcer.
Ginkilala ang biktima kay Jeffrey Antolin, 35-anyos apang ginkilala naman ang suspek kay Joel Dimacali.
Antes malapakan si Antolin, natiklod pa niya ang siklista agud indi ma-ulamid sa aksidente.
Gilayon gindala ang biktima sa ospital apang ginbawi-an ini sang kabuhi.
Suno kay Dimacali, nadula-an sang preno ang truck rason nga nalapakan ang biktima.
Suno naman kay Police Brigadier General Nicolas Torre, hepe sang Quezon City Police District, gina-alegar nga naglapas ang suspek sa allowed speed.
Dugang pa ni General Torre, magapaidalom sa forensic examination si Dimacali.
Nakahunong karon ang suspek sa QCPD Traffic Sector 1 kag magapangatubang sa reklamo nga reckless imprudence resulting in homicide.
Wala naman naghatag sang impormasyon ang abogado sang kompanya sang truck.*