Gin-aresto sang mga otoridad sa Parañaque City ang 35 anyos nga Chinese national, matapos nga gintudlo naghimulos sa 24 anyos nga transgender sa isa ka kuarto sa hotel.
Base sa report sang Southern Police District (SPD), natabu ang insidente mismo sa sulod sang kuarto nga gina rentahan sang biktima nga ginhingadlan lamang bilang si Julia.
Sa report sang Philippine Star, una nga nagkilalahay sa sulod sang casino ang biktima kag suspek nga si Zhou Bing Jie nga kilala man bilang si Feng Cheng.
Matapos nga nag istoryahanay, nagpadulong ang suspek kag biktima sa hotel nga ginatiniran sang transgender.
Sang yara na sa sulod sang kuarto, ginhaboy sang Chinese national ang cellphone sang biktima kag diri na nagluntad ang paghimulos.
Nasaksihan sang security guard ang komosyon kag gilayon nga nag report sa mga otoridad.
Na rescue ang transgender kag ginahanda na ang kaso nga rape kag malicious mischief batuk sa suspek.
