QUEZON CITY– Arestado sang kapulisan ang isa ka tricycle driver sang Novaliches, Quezon City matapos ginhimuslan niya ang iya menor de edad nga pasahero.
Naga-edad sang 51-anyos ang suspek kag gindala ang 17-anyos nga biktima sa sementeryo kag gin-himuslan.
Suno kay Police Lieutenant Colonel Jerry Castillo, hepe sang Novaliches Police Station, gindala ang biktima sa madulom kag masi-ot nga parte sang sementeryo.
Pahayag naman sang biktima, lima ka beses siya nga ginsumbag sang suspek para mangluya.
Sa pagpuli sang biktima sa ila balay, ginsugid niya sa iya ginikanan ang natabo kag gin-report sa kapulisan.
Gilayon nagpatigayon sang follow-up operation ang kapulisan kag nadakpan ang suspek bangud nakita sa CCTV ang plate number.
Ginpasakaan na sang kaso ang suspek sang paglapas sa Anti-Rape Law.*