Pagadakpon ang mga tricycles kag pedicabs nga masiplatan nga nagabiyahe sa mga national highways nga yara sa idalom sang general community quarantine (GCQ) kag modified GCQ (MGCQ).
Ini ang paandam sang Department of the Interior and Local Government (DILG) bangud hugot sa gihapon nga ginadili ang pag-agi sang mga ini sa mga national highways.
“Nililinaw po ng DILG na bawal pa rin ang tricycles at pedicabs sa national highways kahit pa nasa GCQ o MGCQ level na ang ilang lokalidad.Bago pa man magsimula ang pandemya ng COVID-19 (coronavirus disease 2019) ay ipinagbabawal na ito ng batas para na rin sa kaligtasan ng publiko,” pahayag ni DILG Spokesperson Usec. Jonathan Malaya
Gin-paathag pa ni Malaya nga ang nasuspender lamang amo ang Road Clearing Operations 2.0 bangud sa COVID-19 apang magapabilin sa gihapon ang pagdumili sa mga tricycles kag pedicabs santo sa layi.
Magluwas pa sa Republic Act No. 4136 ukon ang ang Land Transportation and Traffic Code, nagpaggwa ang DILG sang mga direktiba kaangay sang DILG Memorandum Circulars (MCs) 2020-036, 2020-004, 2011-68 at 2007-11- nga nagadili sa operasyon sang mga tricycles kag pedicabs sa mga national roads kag naghatag man sang pagsulundan sa kondisyon nga dapat sundon para sa operasyon kag paghatag sang parangkisa sa mga tricycles.
